1. «Оферта/Шарт» — Орындаушының кез келген жеке немесе заңды тұлғамен, сондай-ақ жеке кәсіпкермен (Тапсырыс беруші) ақылы білім беру қызметтерін көрсету шартын жасасу туралы жария ұсынысы.
2. «Акцепт» — Тапсырыс берушінің Оферта шарттарын толық әрі бұлтарыссыз қабылдауы. Тапсырыс берушінің курс ақысын төлеуі оның осы Оферта шарттарымен келісетіндігін білдіреді.
3. «Курс» – Орындаушының, немесе Орындаушыға айрықша құқықтарын берген үшінші тұлғалардың дәрістерден, жеке кеңес берулерден, шеберлік сабақтардан, әдістемелеік құралдардан тұратын авторлық оқыту бағдарламасы.
4. «Орындаушы» — ҚР аумағында белгіленген тәртіппен тіркелген «INFIX» ЖШС, сондай-ақ «INFIX» ЖШС уәкілеттік берген кез келген тұлға, соның ішінде Алдашева Айнұр Нуралиевна.
5. «Тапсырыс беруші» — заңды тұлға немесе заңды тұлға құрмай кәсіпкерлік қызметпен айналысушы жеке тұлға, сондай-ақ осы оферта Шартына қол қойған жеке тұлға.
6. «Дербес деректер» – белгілі жеке немесе заңды тұлғаға қатысты электрондық, қағаз және (немесе) өзге де материалдық жеткізгіште тiркелген, Шартпен реттелген мәліметтер
7. «Дербес деректерді жинау» – дербес деректерді алуға бағытталған іс-әрекеттер.
8. «Дербес деректерді өңдеу» – дербес деректерді жинақтауға, сақтауға, өзгертуге, толықтыруға, пайдалануға, таратуға, иесiздендiруге, бұғаттауға және жоюға бағытталған iс-әрекеттер.
9. «Оқыту» – осы Шарт аясындағы оқыту деп ҚР білім беру туралы заңнамасындағы білім беруге және/немесе білім процесіне жатпайтын, Тапсырыс берушінің балалар психологиясы саласындағы дағдыларды, қабілеттер мен практикалық тәжірибені алуына бағытталған қызмет түсініледі. Сондай-ақ осы Шарт аясындағы оқытуға ересектер мен балаларға қосымша білім беру жүйесі де кірмейді. Осы Шарт бойынша Орындаушының қызметі білім беру қызметінің міндетті лицензиялауына жатпайтындығы сияқты мемлекеттік аккредитациялауға да жатпайды, өйткені Орындаушы білім беру ұйымы болып табылмайды. Оқыту азаматтық құқықтың, азаматтық және әкімшілік іс-жүргізу процедураларының тәжірибеде қолданылуымен байланысты.
«Тариф, қызмет пакетінің құны» – Орындаушының белгілі бір әрекеттерінің жиынтығы үшін, сондай-ақ Тапсырыс берушінің меңгеруіне жіберілген әдістемелік материалдардың тақырыптық жиынтығы үшін бекітілген қызмет құны.

1. Алдашева Айнұр Нуралиевнаның «Практикалық нейропсихология» авторлық курсын оқыту бойынша Орындаушының өтемелі қызмет көрсетуі болып табылады.
2. Курс арнайы https://infixsmm.kz/course платформасында өткізіледі, кері байланыс ұзақтығы - 3 (үш) ай;
3. 3 (үш) ай бойы, зум кездесулер 2 (екі) аптада бір рет, яғни курс аяқталғанша 5 (бес) рет болады;
4. Курс аяқталғаннан соң, 7 (жеті) ай бойы қолжетімді;

5. Курс осы шартқа 1-қосымшада көрсетілген бағдарлама бойынша жүргізіледі. Оферта шарты акцепт алғаннан бастап қызмет көрсету жүзеге асырылады. Тапсырыс беруші өзі таңдаған оқу нысанына сәйкес белгілі бір мерзімге акцепт береді.

1. Тапсырыс беруші төмендегі әрекеттерді орындау арқылы Шартты жасауды жүзеге асырады (жария офертаға акцепт беру):
- Тапсырыс беруші курс бағдарламасымен танысады;
- Сайтта орналастырылған осы жария офертаның мәтінімен танысады, толық және бұлтарыссыз келіскен жағдайда келіскені туралы арнайы белгіні басады;
- Төлем жасайды;
- Орындаушы төлем жасалғаннан кейін Тапсырыс беруші көрсеткен электронды адреске немесе WhatsApp хабарламалар алмасу сервисі номеріне төлемнің түскендігі туралы хабарлама жібереді. Тапсырыс берушінің Орындаушы қызметіне ақы төлеуі оның осы оферта шарттарымен танысқандығын және онымен толықтай, бұлтарыссыз келісетіндігін растайды. Тапсырыс беруші қызмет ақысын төлеген сәттен бастап Шарт жасалған болып есептеледі және күшіне енеді.
2.Курс онлайн түрде арнайы платформада жүргізіледі. Төлем жасалынған соң тапсырыс берушіге арнайы логин және пароль беріліп, арнайы платформада курсқа қол жетімділік беріледі. Платформаға арналған логин, парольмен тек бір құрылғымен (ұялы телефон және ноутбук) кіруге болады. Екі ұялы телефон арқылы бір логин-парольмен кіру барысында автоматтандырылған жүйе пайдаланушыны бұғаттайды, бұл жағдайда қайта қалпына келтіру, курс ақысын қайтару жүргізілмейді.

1. Курсқа ақы төлеу Орындаушы ұсынған шотқа төлем жасау арқылы жүргізіледі.
2. Баға теңгемен көрсетіледі.
3. Оқыту ақысы қолма-қол немесе 1-Тараптың есеп шотына аударым жасау арқылы жүргізіледі.
4. Оқыту ақысы 100% алдын-ала төлем жасау және бөліп төлем жасау арқылы да жасалады.
5. 100% алдын-ала төлем осы Шартқа қол қойған күннен бастап 1 (бір) күн ішінде жасалады.
6. Бөліп төлем жасау екінші деңгейлік банктердің бөліп төлеу жүйесімен жүзеге асырылады. Бұл ретте банктік комиссияларды төлеу осы шарттың 4.2. -тармағындағы талаптармен жүзеге асырылады.
Төлем қызмет көрсетілгенге дейін алдын ала 100% (жүз пайыз) көлемінде төленеді.

1. Тапсырыс берушінің құқығы:
- Шарттың тәртібіне және ережелеріне сәйкес қызмет көрсетумен байланысты барлық қажетті ақпараттарды Орындаушыдан алуға;
- Шарт бойынша міндеттемелердің тиісінше орындалуын талап етуге;
- Шарт бойынша төлем жасалған қызметтің көрсетілу мерзімін ауыстыру және шарт мерзімін ұзарту туралы Орындаушыға жазбаша өтінішпен жүгінуге. Өтінішке тиісті лекте қызмет алу мүмкін еместігін дәлелдейтін құжаттарды қоса беруге: Тапсырыс берушінің стационарлық емделуде болуы, стихиялық жағдайлар, сондай-ақ Тапсырыс берушінің қызмет алу мүмкіндігін болдырмайтын өзге де жағдайлар. Бұл жағдайда Орындаушы Тапсырыс берушінің жағдайын жеке саралап, дербес шешім қабылдайды.
2. Тапсырыс берушінің міндеттері:
- осы Шарт бойынша қызмет құнын уақытылы төлеуге;
- Орындаушыдан келіп түскен ақпараттық өзгерістер мен жаңартуларды өз бетінше қарауға;
- ақпараттық және оқыту материалдарын алуға қажетті өзекті, шынайы мәліметтерді, сондай-ақ осы шарт бойынша жедел байланысқа шығу үшін қажетті аты-жөнін, қолданыстағы электрондық поштасын, байланыс телефон номерлерін Орындаушыға беруге;
- оқыту шараларын жүргізу тәртібін сақтауға және Орындаушыға, курстың өзге де қатысушыларына құрметпен қарауға;
- Осы Шарт аясында Орындаушының Тапсырыс берушіге ұсынған ақпараттары мен материалдарын коммерциялық немесе коммерциялық емес мақсатта таратпауға (жарияламауға, Интернет-сайттарына орналастырмауға, көшірмеуге, үшінші тұлғаларға бермеуге немесе сатпауға), жазып алмауға, оның негізінде пайда табу мақсатында өзінің ақпараттық өнімін жасамауға және жеке жұмыс барысынан басқа мақсаттарға пайдаланбауға.
- Платформаға кіретін логин, парольді басқа тұлғаларға ұсынбауға (мұндай жағдайда платформаға қолжетімділік жойылады, Тапсырыс беруші курстан шығарылады және төлемақы қайтарылмайды).
- Орындаушыдан алған ақпараттар мен материалдарды коммерциялық немесе қаржылық пайда табу мақсатында осыған ұқсас және/немесе бәсекелес өнім немесе қызмет жасамауға, сонымен қатар тренингтер (вебинарлар және т.б.) нысанында оқыту өнімдерін жасамауға.
3.Орындаушының құқықтары:
- оқыту бағдарламасына өзгерістер енгізуге, сабақ кестесін біржақты өзгертуге;
- қызмет көрсету барысында оқыту бағдарламасына аудио және видео жазба жасауға;
- Тапсырыс берушіден өзіне алған міндеттемелерін тиісінше орындауын және өзіне және басқа қатысушыларға құрметпен қарауын талап етуге;
- Тапсырыс берушінің келісімінсіз осы Шартқа сәйкес қызмет көрсету үшін қосымша мамандар ретінде үшінші тұлғаларды тартуға.
4. Орындаушының міндеттері:
- қызметті тиісті сапада, уақытылы және толық орындауға;
-Тапсырыс берушінің қызметтер бойынша туындаған сұрақтарына жауап беруге;
- Тапсырыс берушінің талабы бойынша барлық анықталған кемшіліктерді, егер Қызметтерді көрсету барысында Орындаушы Шарттың талаптарынан ауытқуға жол берсе, жұмыс сапасын нашарлатса, 1 (бір) жұмыс күні ішінде өтеусіз түзетуге.
- Қызмет көрсету барысында өзіне белгілі болған қызметтік, коммерциялық немесе заңмен қорғалатын өзге де құпияны құрайтын мәліметтерді жария етпеуге.

1. Курсқа айрықша авторлық құқықтар, соның ішінде сабақтас құқықтар Орындаушыға тиесілі. Қызмет көрсету барысында Орындаушының Тапсырыс берушіге ұсынған барлық материалдары Тапсырыс берушінің тек жеке өзі жұмыс барысында қолдануы үшін арналған. Тапсырыс берушінің аталған материалдарды көшіруге, үшінші тұлғаларға беруге, жария етуге құқығы жоқ.
Орындаушы сайттың, вебинардың, курстың құқық иеленушісі болып табылады.

1.      Шартты орындау кезінде туындауы мүмкін даулар мен келіспеушіліктер Тараптар арасындағы келіссөздер жолымен шешіледі.
2.      Келіспеушіліктерді келіссөздер жолымен шешу мүмкін болмаған жағдайда, даулар мен келіспеушіліктер Орындаушының орналасқан жері бойынша Қазақстан Республикасының заңнамасына сәйкес сот тәртібімен қаралуға жатады.

1.      Шартты орындау барысында туындайтын сұрақтарды жедел шешу үшін Тараптар арасындағы ақпарат алмасудың негізгі құралы электрондық хат алмасу (электрондық поштаны немесе мессенджерлерді пайдалана отырып) болып табылады.
2.      Шартта көрсетілген электрондық поштадан/телефон номерлерінен жіберілген және осы шартта көрсетілген электрондық поштаға/телефон номерлеріне жіберілген кез келген кіріс және шығыс электрондық хабарламалар заңды электрондық хат алмасу статусына ие. Орындаушы атынан - қызметті беру үшін ұсынылған телефон номері немесе электрондық пошта.
3.      Тапсырыс беруші атынан – қызметті алу үшін ұсынған электрондық пошта адресі немесе телефон номері.
4.      Аталған байланыс каналдары арқылы жасалған хат алмасулар қарапайым электронды қолтаңба күшіне ие және тараптардың жеке қолы қойылған қағаз құжатпен тең дәрежеде болады.
5.      Тараптар аталған байланыс каналдарына қолжетімділіктің құпиялылығын сақтауға және ол жердегі мәліметтерді үшінші тұлғаларға бермеуге міндеттенеді.

1.Орындаушы дербес деректерге өңдеу жүргізуге құқылы – яғни, осы шартты орындау қажеттігіне байланысты мақсатта автоматтандыру құралдарын пайдалана отырып немесе ондай құралдарды пайдаланбай дербес деректерді жинауды, жазуды, жүйелеуді, жинақтауды, сақтауды, нақтылауды (жаңарту, өзгерту), алуды, пайдалануды, беруді (тарату, ұсыну, қолжетімділік), иесіздендіруді, бұғаттауды, өшіруді, жоюды қоса алғандағы кез келген әрекет (операция) немесе әрекеттер жиынтығы (операциялар).

1.Осы Оферта бойынша міндеттемелерді орындамағаны немесе тиісінше орындамағаны үшін Тараптар Қазақстан Республикасының қолданыстағы заңнамасына және осы Шарттың ережелеріне сәйкес жауапты болады.
2.Оқыту мерзімі себепті жағдайлар (ауырып қалу, жақын туыстарының ауырып қалуы, жақын туысының қайтыс болуы) болған жағдайда және тиісті дәлел құжаттарды берген кезде ғана үш айдан аспайтын мерзімге ұзартылуы немесе тоқтата тұруы мүмкін.
3.      Тапсырыс беруші тарапынан курс басталмай тұрып немесе курс барысында шартты біржақты бұзу кезінде курс ақысын қайтару ҚР Азаматтық кодексінің 685-бабына сәйкес жүзеге асырылады. Бұл ретте Тапсырыс беруші Орындаушыға іс жүзінде шыққан шығынын төлеуі тиіс.
4.      Шартқа сәйкес курс бағдарламасы бойынша толық қызмет көрсетілгеннен кейін ҚР Азаматтық кодексі талаптары бойынша курс ақысы қайтарылуға жатпайды.
5.      Оң нәтижеге қол жеткізу мен тәжірибелі қабілеттерді меңгеру 2-Тараптың оқуға деген жеке ықыласы мен жауапкершілігіне ғана байланысты.
6.      Орындаушы берілген білім беру қызметінің Тапсырыс берушінің күткеніндей болмағаны үшін немесе оның субьективті бағасы үшін жауап бермейді. Қызметтің Тапсырыс берушінің күткеніндей болмауы немесе оның субьективті теріс бағасы оқытудың сапасыз немесе толық емес көрсетілгенін білдірмейді. 
7.      Осы шарт бойынша қызмет көрсету кезінде Орындаушы берген ешқандай ақпараттар, материалдар және/немесе кеңестер кепіл ретінде қарастырылмайды. Орындаушы берген барлық ақпараттар негізінде шешім қабылдау Тапсырыс берушінің айрықша құзыреттілігіне жатады. Тапсырыс беруші өзінің субъективті және объективті, физикалық, эмоционалдық, психоэмоционалдық және психикалық өзгерістерін қоса алғанда (осымен шектелмейді) Орындаушының осы шарттағы міндеттемелерін орындау барысында берген ақпараттары мен материалдарын қолданған кезде, сондай-ақ онлайн-курстардың, вебинарлар мен кеңестердің кез келген және барлық нәтижесінде жауапкершілік пен тәуекелді толық өзіне қабылдайды.
8.      Орындаушы Тапсырыс берушінің қорытындылары, әрекеттері (немесе әрекетсіздіктері), шешімдері үшін жауап бермейді. Тапсырыс беруші өз өміріндегі орын алған әр өзгеріске өзі ғана жауапты екеніне келіседі.
9.      Қызмет көрсету барысында Орындаушы ұсынатын барлық ақпараттар мен материалдар эксклюзивті емес, алайда ол курс бағдарламасына бейімделген және курстың авторлық құқығы қорғалған.
10.   Егер жер сілкінісі, өрт, су тасқыны, өзге де табиғи апаттар, эпидемия, авария, жарылыс, әскери әрекеттер, заңнаманың өзгеруі, уәкілетті тұлғалардың актілері әсерінен Шарт талаптарын орындау мүмкін емес жағдайлар орын алған кезде Тараптар осы Шарт бойынша міндеттемелерді орындамағаны немесе тиісінше орындамағаны үшін жауапкершіліктен босатылады. Мұндай жағдайда тараптар Шарт бойынша өз міндеттемелерін орындау үшін барлық мүмкін әрекеттерді жасайды және міндеттемелерді орындау мерзімін келісілген уақытқа өзгерту мүмкіндігін пайдалана алады.

1.      Тапсырыс беруші офертаға акцепт жасаған күннен бастап оферта күшіне енеді және тараптар міндеттерін толық орындағанға дейін қолданыста болады.
2.      Тапсырыс беруші Офертаға өзгерістердің енгізілуі оның Орындаушымен жасаған және қолданыстағы шартына осы өзгерістердің енгізілуіне алып келетіндігіне келіседі және растайды, осы өзгерістер Офертадағы өзгерістермен бір уақытта күшіне енеді. Қолданушының, Тапсырыс берушінің сайтты пайдалануды жалғастыруы оның Офертаның жаңа нұсқасындағы шарттармен келісетіндігін білдіреді. Егер Қолданушы, Тапсырыс беруші Офертаның жаңа нұсқасындағы шарттармен келіспесе, онда ол сайтты қолдануды тоқтатуға міндеттенеді.

1.      Осы Шартпен реттелмеген жағдайлардың барлығында Тараптар Қазақстан Республикасының заңнамасын басшылыққа алады.
2.      Тапсырыс беруші Оферта шарттарын қабылдай отырып, өзінің электронды поштасына және мессенджерлерге (WhatsApp, Viber, Telegram және басқалары) осы офертаның қолданылу мерзіміне қарамастан Орындаушы жүргізетін шаралар, олардың жүргізілу шарттары, қаржылық жағдайлары туралы және өзге де ақпараттар жіберілуіне келісімін береді. Тапсырыс беруші кез келген уақытта Орындаушының электронды адресіне хат жіберу арқылы хабарлай отырып, ақпараттарды алудан бас тарта алады.
3.      Бұл жағдайда ақпаратты алмау жауапкершілігі Тапсырыс берушіге жүктеледі.
Соттың осы Офертаның белгілі бір бөлігін жарамсыз немесе мәжбүрлі түрде орындауға жатпайды деп тануы Офертаның басқа бөлігінің жарамсыздығын немесе орындалмайтындығын білдірмейді.

«Практикалық нейропсихология» курсының бағдарламасы

1 модуль
НЕЙРОПСИХОЛОГИЯ ТЕОРИЯСЫ
1 бөлім Нейропсихология ғылымы туралы
1. Нейропсихология ғылымы туралы. Нейропсихология тармақтары, шығу тарихы
2. Нейропсихологияның негізгі теориялары
3. Лурия бойынша мидың 3 функционалды бөлігі теориясы
4. Нейропсихолог немен айналысады, қандай балаларды қарайды? Дизонтогенез түрлері
5. Орталық жүйке жүйесінің даму циклдары, қай кезеңде балада ауытқулар пайда болуы мүмкін
2 бөлім
Орталық жүйке жүйесінің анатомиясы
1. Ми бағаны – сопақша ми, варолиев көпірі, ортаңғы ми
2. Аралық ми - таламус гипоталамус субталамус эпиталамус гипофиз
3. Ретикулярная формация
4. Мишық
5. Базалды ядро
6. Стриополидарлы жүйе
7. Лимбикалық жүйе
8. Ми комиссуралары
9. Ми қыртысы
3 бөлім
Синдромды анализ
1. Синдромды анализ деген не?
2. Ми бағаны синдромы
3. Диэнцефалды синдром
4. Базалды ядролардың жетіспеушілігінің синдромы
5. Ми комиссураларының дефициты синдромы
6. Медиа базалды маңдай бөлігінің жетіспеушілігі
7. Префронталды премоторлы маңдай бөлігінің жетіспеушілігі синдромы
8. Сол жақ самай бөлігінің функционалды жетіспеушілігінің синдромы
9. Оң жақ самай бөлігінің функционалды жетспеушілігінің синдромы
10. Төбе бөлігінің функционалдыжетіспеушілігінің синдромы
11. Оң жақ ТРО бөлігінің функционалды жетіспеушілігі
12. Сол жақ ТРО бөлігінің жетспеушілігі

2 модуль
НЕЙРОДИАГНОСТИКА
1 бөлім
Нейродиагностика қалай жасалады?
1. Нейродиагностика жүргізу ережелері, принциптері
2. Протоколдар, баға қою жүйесі
3. Диагностикалық журналдар
2 бөлім Нейродиагностика барысы
1. 1-3 жасар балалардың диагностикасы
2. Бала латерациясын анықтау
3. Нейродинамика
4. Қозғалыс пен праксисты зерттеу пробалары
5. Гнозис(қабылдау) пробалары
6. Баланың сөйлеуін, оқуын, жазуын бағалау
7. Есте сақтауды зерттеу пробалары
8. Баланың ойлау жүйесін зерттеу пробалары
3 бөлім
Нейропсихологиялық зерттеу нәтижелерінің қорытындысын жазу

3 модуль
НЕЙРОКОРРЕКЦИЯ
1. Нейропсихологиялық коррекция принциптері түрлері стратегиялары
2. Ми бағаны дефицитінде жүргізілетін коррекция
3. Диенцефалды синдромда жүргізілетін коррекция
4. Маңдай бөлігінің дефицитінде қолданылатын коррекция
5. Оң жақ жартышарының дефицитінде қолданылатын коррекция
6. Сол жақ жартышарының дефицитінде қолданылатын корреция
7. Төбе бөлігі TPO бөлігініңдефицитінде қолданылатын коррекция